عدد الرسائل : 1966 العمر : 40 البلد او المدينة : العراق . المدينة : النجف الاشرف . الوظيفة : صيدلانيه تاريخ التسجيل : 19/10/2007
موضوع: اسرار عارضات الازياء موضوع شامل و مفصل السبت فبراير 21, 2009 6:29 pm
صراحه حالتنا كلنا تكسر الخاطر من كريم لين كريم ومن خلطة لين خلطه واغلبها نتايجها مؤقتة وكله يرجع لأنه تغذيتنا غلط وانا صارلي تقريبا شهر حايسةمن موقع لين موقع اجنبي وعربي ادور على اسرار الجمال من عارضات وخبيرات تجميل عالميات وعرفت اسرار خطيرة وعجيبة واحينه بديت اطبقها قولوا ماشاءالله في التغذية وخلطات تجميل البشرة والشعر والميك أب وبعد طرق خطيرة لاستشوار الشعر والتسريحات>>>>ادري انكم كلكم متلهفين لها
ماشاءالله ولا حول لا قوة إلا بالله
ما أبغي منكم أي شي غير دعوة حلوة
بنات هالموضوع متجدد وبنزلكم تقريبا كل يوم كم من موضع مع الصور وأتمنى من الجميع ان الي بيرد يرد رد حلو وماله داعي للتجريح انا كل الي قريته او طبقته بعطيكم ياهوالله يوفق الجميع يارب>>آمين
نبدى في أسرار عارضات الأزياء
طبعا بنات كلنا نعرف ضرورة شرب 8 قلاصات ماء يوميا لكن جميع العارضات وبدون استثناء ما يشربون إلا ماي مثلج لأنه يساعد في شد البشرة وتنقيتها
وفي سر خطير يرطب اليدين والريول يسووونه وهو عجيب بس تستخدمونه بحذر عسب ما تتحترقون وتدعون عليه هم اييبون شموع ويذوبنها في المكرويف وعقب يدهنون ايدهم وريولهم باي مرطب (فازلين مثلا) عقب يغلفونها بالشمع المذوب بس حاذروا ما يكون حار يعني يكون اقل من الدافي ويستخدم كقناع وهم يسوون هاي الطريقة في الليل ويقومون في الصبح يشيلون الشمع
بنات تخيلو شو يسوون عسب يوردون شفايفهمتعرفون الجلي البودر بالفراوله او الفريز يفرغونه بعلبة صغيرة ومع قطن الأذن يحطونهع شفايفهم صراحه جربتها عجيبة تخلي الكل يشوفج
وينظفون اسنانهم من الزوايد اي تتجمع بين الأسنان بقشور البرتقال البيضاء يعني القشور بس من الداخل يفركون بهاالاسنان وهي تعقم الأسنان وتنظفها
وقناع خاص لشد الصدر هو انهم يخلون الموز لين ما يسود ويعدين يحشونه داخل الستيان المبطن (المحشي) ويلبسون الستيان ويخلونه كم ساعه يشد ويكبر الصدر طبيعي يعني بنات لو عندك موز اسود لا ترمونه استخدوه في هالطريقة
تعرفون بودرة الحليب يستخدمونها دوم كغسول طبيعي للبشرة ينقيها ويشدها ويبيضها واا جربت هالطريقة كمن مرة بس هم دوم اول ما يصحون يغسلون وجهم فيها
نحن لما نعطش نشرب مشروبات غازية او العصاير الي مليانه بالمواد الحافظه وهم يشربون السموثي حليب أو روب + فواكة يعني قولو مرتين لين ثلاث مرات
وحق السناك طبعا نحن ناكل شبس او شوكولاته هم ياكلون الروب مع اي فواكة (مثل فراوله او توت) + مكسرات (مثل لوز وبندق) ووحده منهم تقطع التفاح شرايح وتحط معاه زبدة اللوز ومكسرات وتاكلها شوفو اكلهم كله مغذي ويبدعون بالسناك بعد
وبعد سمعت الخبيرة الخاصة بالعارضات وهي كانت عارضة سابقة تقول انهم مايشربون حليب البقر اكثر شي يركزون ع حليب الصويا وحليب المعاعز ودوم يحبونه فريش
ولرائحه جميله زكية وحده من العارضات ترش طول اليوم كل جسمها وحتى شعرها بماي ورد معاه زيت الورد المركز كميه قليلة وتقول انها حتى لما تعرق تطلع ريحتها تجنن
ووحده تستخدم فيتامين إي + فازلين تحط زيت الفيتامين نقط حولين عينها وبعده كمية صغيرة فازلين تقوي رموشها وتشد بشرة العين
بنات انا احينه تعبت و إذا اتذكرت اشياء ثانية بقولكم عليها بليز الي تقرى موضوعي تقول ماشاءالله وتدعيلي
إلي عندها أي استفسار تراني حاضرة وفالكم طيب
وانتظروني لدي الكثير الكثير في تبيض الجسم والتغذية
اقوى شي في التبيض والشد ونقاء البشرة للوجه والبشرة
تحطيها كمن ساعه او من المغرب لين اليوم الثني اهم شي بعيد عن الشمس وااشعتها ولو شباكج او دريشتج تكشف اشعة الشمس ولو بتطلعين في الشمس لازم لازم لازم كريم واقي شمس لا يقل عن 30درجه اوكيك اتفقنا وانا انصحك انكم على الجو الي عندنا بالخليج تحطونها من في المغرب لين الوقت الي تحبونه اقل شي ساعتين وحاسبوا ع الصلاة تراها تمنع الصلاة
ماشاءالله لاحول ولا قوة إلا بالله
المطلوب
فازلين + نشا ذرة
الطريقة انج تدهنين ويهج وجسمع كله بفازلين وولما تخلصين دهان تحطين عليه نشا الذرة عسب ما يدبغ ويساعد ع التبيض وامتصاص الفازلين وع المنطقة الحساسة بعد ممكن تحطينه عقب تمي بالوقت إلي تحبيه وحاولي انج تستخدمينها يوميا وعن تجربة انا وربيعاتي تبيض وتنعم وتصفي البشرة وخلوها روتين يومي لكم وبعد اسبوعين ردوا عليه بتجاربكم والله يوفق ويجمل الجميع
خبيرة التغذية العالمية حددت اكثر 10 مشروبات خطرا ع الصحه ومادام هي خطر ع الصحه اكيد خطر ع الجمال وبنزل لكمياهم بالتدريج تصاعديا من الأخف إلى الأخطر وصدقوني بتنصدمون لو عرفوتوا شو الي احتل المرتبة الأولى
10الحليب تخيلو ليش لأنها قالتمليان مواد حافظه يعني يا تشربون طبيعي يا حليب صويا علشان يعوض البالفوايد او حليب الماعز >>>>انا صراحه غرامي الحليب مااتحمل من دونه
9العصاير المعلبة لكثرة وجود المواد الحافظه + السكر
8الكابشينو و أخواته لأنه في كريمه وشوكلاته وقهروة عني مليان كافيين
7+6العصاير او الحليب المصنع او المسمى شراب او الغازي مثل كابري سن او سنابل
4 + 5 مشروبات محرمه شرعا
3المشروبات الغازية الدايت بانواعها يعني اي شراب غازي
2مشروبات الطاقة وضررها كبير لأنها ماتروي العطشان بالعكس ممكن تسبب خطر كبير على الشخص لو شربها وهو عطشان لأنه تعطش ماتروي بالعكس
1 الصدمة الكبرى المشروبات الغازية بانواعها واولها الكولا والبيبسي
الصيدلانيه كوفي نابغة
عدد الرسائل : 1966 العمر : 40 البلد او المدينة : العراق . المدينة : النجف الاشرف . الوظيفة : صيدلانيه تاريخ التسجيل : 19/10/2007
موضوع: رد: اسرار عارضات الازياء موضوع شامل و مفصل السبت فبراير 21, 2009 6:39 pm
خمس خطوات للجمال لازم تحصلين عليها من خبيرة اسرار العارضات الجمالية الي كانت عارضة سابقا
1- احترمي نفسج وحبيها وسوي اقل شي شيو احد تحبينه كل يوم حق نفسج انتي>>>يعني بنات بسكم تضييع وقت وانا تعبت ومالي خاطر اتعدل لا تعدلي اهم شي جمالج الجمال نعمة من رب العالمين لازم تحافظين عليه
2- بدل من ما تستخدمين صابون كل يوم وتحطين هالكيماويات غسلي ويهج في بودرة الحليب تحافظ ع نظارة البشرة وتحفظها من علاميات تقدم البشرة قبل ماترقدين لاتنسين>>>خبرتكمعنه في اول لموضوع
3- زيت الخروع تقول قبل العارضة انه امها قبل تشربها ياه غصب ملعقة صغيرة بس هي نصيحتها امسكي شوي منه وامسحي ع شعرج >>>يعني مثل السيروم
4-وحق تقوية وبياض الأظافر استخدموا حبوب تبيض فراشي وادوات الأسنان وحطوها مع ماي ونقعا اظافركم فيها تبيضها وتقويها>>>صراحه اا ماجربتها لكن شفت الحبوب تنباع في محلات دايسو بشتريها وبجرب وبخبركم بالنتايج
5- الميك اب يوحي لي الي يشوفج انج منقصة كم باوند من ويهج او خسمج مع فرشاة بلاشر و بودر برونزاج مات يعمل العمايل وهي قالت انه اعارضات يستخدمونه حتى بين صدرهم يحلي ويعطيه ستايل مميز>>>لللمتزوجات فقط بليز مافيني آخذ اثمكم
وقالت بعد افضل نصيحه تعطيها حق اي حد هو الماي المثلج وله عدة فوايد 1-يساعد ع تنقية البشرة 2- يساعد ع خفض الوزن 3- يساعد ع خفض الكالوري السيئة خفض كل قلاص 25 لين 30 كالوري سيئ
لإزالة تورم العينين
خذي ملعقتين معدنيتين وحطيهم في البراد فوق (الفريزير) وبعدين حطيهم ع عيونج صور الانتفاخ لين مايروح طريقة تستخدمها جميع العارضات اول ما يصحون من النوم يستخدمونها وترى البارد يشد البشرة
موضوع: اسرار عارضات الازياء موضوع شامل و مفصل 
السبت فبراير 21, 2009 6:29 pm
يعني بنات لو عندك موز اسود لا ترمونه استخدوه في هالطريقة
وبنزل لكمياهم بالتدريج تصاعديا من الأخف إلى الأخطر وصدقوني بتنصدمون لو عرفوتوا شو الي احتل المرتبة الأولى
