عدد الرسائل : 1966 العمر : 40 البلد او المدينة : العراق . المدينة : النجف الاشرف . الوظيفة : صيدلانيه تاريخ التسجيل : 19/10/2007
موضوع: دايسكي و التحشيش الثلاثاء سبتمبر 16, 2008 1:34 pm
دايسكي و التحشيش
فد يوم من الايام داسكي ضايج فد نوب و كلبه دا يحترك يريد يخطب هيكارو بس مستحي ضل يفكر شلون شلون شيكول شيحجي فكر زين و حفظ الحجي وراح على هيكارو جان يكلهة : هيكارو عندي شغلة وياج تكدرين تجين للمزرعة الساعة بـ 12 بالليل هيكارو كالتلة: لا عفية ما اكدر عيب اني بنت عرب و عيب هل سوالف وبعدين اني اخاف من ابوية
داسكي كال: يمعودة السالفة مواكثر من خمس دقايق المهم قنع البنية تجي للمزرعةوالله صارت الساعة 12 جان تجي هيكارو للمزرعة لكت دايسكي كاشخ ولابس رباطه هيكارو كالت: احجي شتريدعالسريع ترة ابوية يفز بليل يتفرج على صحون المنيفوتوة دايسكي دا يريد يصارحهةجان هيكارو تصيح: يمة دايسكي شوف القمر صاير لونه احمر جان دايسكي يكول: ولك هو اني حديقة هسة وكتك يا فيكا الكبير مو توني دا اريد اصارحبهالاثناء جان يجي دامبي للمزرعة
دامبي كال: ها ولك دايسكي لكفتك اليوم اصمط جدجدك تعالجاي هيكارو تكول لدايسكي : ولك اركض هذه ابوية جلاد هسة يعلسك افلت عيوني جان يفلت
دايسكي و يدردم بينة وبين نفسة لعد اني شكدفكر لا دامبي يرحم ولا فيكا يرحمجان يدك الموبايل مالته شاله
جان يكولاهووووووووووووووو دكتور امون هسة وكتك المهم فتح خط وكاله: ها بوية شتريد امون ؟ كال : ولك وليدي ترة صار العلس اربعة بربع قوات فيكا دا تعلس الناس بالسوك عالهوية دايسكي كال : ادري كل مرة تخابر علية ماتخابر علىكوجي والله بزعتونه
امون كال: انت خابر كوجي و اطلعوا سوية اني ماعندي رصيد دايسكي كال: انت لشوكت تبقة حديقة كل ما احجي وياك تكول ما عندي رصيد وبويةرحمة لالله لا كلساع تسويلي مسكول من اتعارك اخلص واني اجي اسولفلك المهم خابردايسكي كوجي جان يكوله ولك انت وين ترة العلس بالسوك شغل طيارتك و تعال
دايسكي كله : ولك هسةوكتهة ولك امشي اني تعبت كل يوم اروح وحدي ولو انت طرطور يجيك صاروخ توكع طيارتك ويجي كرندايزر يشيلك
المهم ضل دايسكي يمشي بالماطور لحد ما جيت من النهر و تحول الى دوق فليدوجان يطلع من الطريق المعروف طريق رقم سبعةلان الطريق رقم 6 مليان اهل جنابر ساعة يالله يطلع منه
موحاط صورة هيكارو عالدشبول مال كرندايزر يكول شوكت اصارحج مو راح اتخبل والله بهالاثناء كوجي وصل للسوك و شاف العالم تتراكض جان يخابر مركزالابحاث كاله عيني هذه الوحش العلاس شأسمه كالولة مركز الابحاث الوحش اسمةالاكرع النكس والله كوجي صار سبع و جان يقصف صورايخهم شافوا جماعة المنيفو جان يرمون عليه بال بي كي سي وعلكت عليهو الوحش لازم العالم و علس عالهوية
جان يجي كرندايزركالة للوحش انت لو زلمة تعال خلي نطلع بالجول نتعارك مو بالمدينة الوحش كال: هاي ليش تريد نتعارك جان كرندايزر يضوج : كالة لعد اني عفت هيكارو علمود شكولك الزفرة وتريدنة ما نتعاركاليوم راح انعل والديك
جان يضربة بالصحن الدوارجان يصده الوحش للصحن الدوارجان يضحك كاله عندي رعد الفضاء
والله جان يضربه وجان يجرله الرزة المزدوجة وكصه نصين و تفجر الوحش والله رجع عالسريع جان يصيح هيكار و جان يخطبهه هيكارو كامت تفيك براسه : اني ما اسوي علاقة وانت مثل اخوية و اني مخطوبة لابن عمي باندا ومن هالحجي مال هالوكتجان دايسكي عود صاير لوتي يريد يفرهة على المشتكي
كلهة همزين اني جنت دا اختبرج دا اشوفج خوش بنية لو لا .......... وعافهة ورجع ركض بالحشيش يبجي"
تره ملطوش و شكرا للاخ جومانجي خذت من عنده الصور من موضوعه مالت كرندايرز
يله هسه وين الردود صارلي ساعه اكتب الموضوع
خادمة السبطين كوفي نابغة
عدد الرسائل : 1389 تاريخ التسجيل : 20/06/2007
موضوع: رد: دايسكي و التحشيش الأربعاء سبتمبر 17, 2008 7:33 pm
هههههههههههههههههههههههههههههه عاشت ايدج اختي العزيزه تحشيش روعه كلش عجبني وذكرني بأيام الطفوله وكلندايزر ومشكوره على الجهد الي بذلتيه واني جدا سعيده بمشاركتج ورجعتج للمنتدى الله يوفقج ويحقق كل طموحاتج ان شاء الله.
الانصاري الخنفشاري كوفي عبقري
عدد الرسائل : 405 العمر : 39 البلد او المدينة : العراق النجفي الوظيفة : مشرف مبيعات في شركة العراق الحديث للتجارة العامة المحدودة تاريخ التسجيل : 20/02/2008
موضوع: رد: دايسكي و التحشيش الجمعة سبتمبر 19, 2008 1:02 pm
والله ضحكت من اعماقي يا صيدلانية وصدك موضوعج روعة وتحشيش خرافي ونريد منج بعد تحشيش بهجي سوالف لان احلة شي جان عدنة هو ايام الكارتون مثل كرندايزر ومازنجر وعدنان ولينا وخماسي والفارة والبزون وكابتن ماجد وسانشيرو فيردي و رعدالعملاق وبسيط والغواصة الزرقاء وكونغفو والفرسان الثلاثة وشوت وسالي وبيرين وارض العجائب وكاسبر وبباي وبربرشاطر وطمطم.......اكلكم ذكروني بعد المن نسيت؟
طبعا هاي من غير كونان وربعة اللي اجونة ورة ما اجة الستلايت
نور الهداية كوفي نابغة
عدد الرسائل : 1264 العمر : 40 البلد او المدينة : **في الغربة** تاريخ التسجيل : 01/06/2007
موضوع: رد: دايسكي و التحشيش السبت سبتمبر 20, 2008 9:50 am
عدد الرسائل : 1966 العمر : 40 البلد او المدينة : العراق . المدينة : النجف الاشرف . الوظيفة : صيدلانيه تاريخ التسجيل : 19/10/2007
موضوع: رد: دايسكي و التحشيش السبت سبتمبر 20, 2008 3:49 pm
خادمة السبطين كتب:
هههههههههههههههههههههههههههههه عاشت ايدج اختي العزيزه تحشيش روعه كلش عجبني وذكرني بأيام الطفوله وكلندايزر ومشكوره على الجهد الي بذلتيه واني جدا سعيده بمشاركتج ورجعتج للمنتدى الله يوفقج ويحقق كل طموحاتج ان شاء الله.
انت العايشه حبي اني الاسعد بمرورج الحلو الله يوفق الجميع يارب تسلمين حبي هذا الدعاء و الله اريده هالوقت
الصيدلانيه كوفي نابغة
عدد الرسائل : 1966 العمر : 40 البلد او المدينة : العراق . المدينة : النجف الاشرف . الوظيفة : صيدلانيه تاريخ التسجيل : 19/10/2007
موضوع: رد: دايسكي و التحشيش السبت سبتمبر 20, 2008 3:56 pm
الانصاري كتب:
والله ضحكت من اعماقي يا صيدلانية وصدك موضوعج روعة وتحشيش خرافي ونريد منج بعد تحشيش بهجي سوالف لان احلة شي جان عدنة هو ايام الكارتون مثل كرندايزر ومازنجر وعدنان ولينا وخماسي والفارة والبزون وكابتن ماجد وسانشيرو فيردي و رعدالعملاق وبسيط والغواصة الزرقاء وكونغفو والفرسان الثلاثة وشوت وسالي وبيرين وارض العجائب وكاسبر وبباي وبربرشاطر وطمطم.......اكلكم ذكروني بعد المن نسيت؟
طبعا هاي من غير كونان وربعة اللي اجونة ورة ما اجة الستلايت
لا و الله ما نسيت اصلا ذكرت اسماء كارتونات اني ناسيتهن اصلا
بس اني ذكرت جورجي
شكرا لمرورك على الموضوع
منور
الصيدلانيه كوفي نابغة
عدد الرسائل : 1966 العمر : 40 البلد او المدينة : العراق . المدينة : النجف الاشرف . الوظيفة : صيدلانيه تاريخ التسجيل : 19/10/2007
موضوع: رد: دايسكي و التحشيش السبت سبتمبر 20, 2008 4:00 pm
موضوع: دايسكي و التحشيش 
الثلاثاء سبتمبر 16, 2008 1:34 pm
