نداء الى الاخوة النجفي والصيدلانيه

الاخوه الاعزاء النجفي والصيدلانيه 000 باسمي واسم كافت الاخوه والاخوات الموجودين بلمنتدى اقول لكم ان الذي صدر من الاخ النجفي ليس تجاوز على الاخت الصيدلانيه ولكن سوء فهم من الاخت يبدو ذلك ليس الا00 وحته لوكان تجاوز فان الاخ النجفي اعتذر امام كل الاعضاء وقال انا لم اقصد ماتتصوره اختي الصيدلانيه 000اختي العزيزه الصيدلانيه نحن عائله والعائله يحدث فيها كل شي لنفرض الاخ النجفي تجاوز ولكن بعد ان عرفه في بالك شي ثاني جاء واعتذر فماذا تريدين بعد؟؟؟؟؟؟ اقول لكم الاثنين وهذا قرار الجميع ولابد من كل الاعضاء الالتزام بذلك اذا لم ترجوهذا اليوم بعد الافطار الى المنتدى وتشاركوننا بكل شي فأننا سوف نقاطعكم جميعا ولم يرد اي واحد منا على اي مشاركاتكم وستكونون السبب بازالت الفرحه بيننا انتم الاثنين

وانا اضم صوتي الى صوتك اخي العزيز غالب
بس غياب الصيدلانيه موبسبب كونها زعلان لا بس اكوشي مخليها غايبه عن المنتدا ربما اتكون الاشاره او الكهرباء خلينا طول ما هي غايبه منطينها عذرها واذا رجعت الله كريم اني ما ادافع عنها بس اعرفها هي حبابه وقلبيها ابيض وتحب المنتدا وما تكدر اتعوفه

عزيزي غالب أنا متفهم الامر وراجع بكل قوتي ... بعد شتريد ...

هسه اخونه النجفي رجع للمنتدى واحنه جنه واثقين انه ميهون عليه زعل واحد وان شاء الله اختنه العزيزه الصيدلانيه هم ترجع واحنه متاكدين هيه ماعده شي ومزعلانه لان الاخوه ماكو زعل بينهم وان شاء الله ترجع المياه المجاريهه بس مثل مكالت اختنه العزيزه بنت الهدى احتمال عدهه ظروف منعت دخولهه للمنتدى اوالاشاره موزينه .

بارك الله بيك اخونه النجفي على الاستجابه والرجوع شلون اكدرت تعيف اخ غالب وحدهه ؟؟؟مو انتو حزب واحد .

مشكور اخي اكرم لاستجابتك لمطلبنا فورا وهذا الي كنت اتوقعه منك انته اخي ومن حزبي وديربالك تره قوتهم بدئت تضعف من كثر الخوف والهزيمه الي بدئت على وجوههم داخوووووو والله داخووووو

اقتباس :: شلون اكدرت تعيف اخ غالب وحدهه ؟؟؟مو انتو حزب واحد .

لا اني ما تركتة وحدة بس سلمتة الملف مؤقتا ...وكان كدهة لأن ..داخوووووو والله داخووووووو

صدكوني هوماتركني بس ناديته لبى ندائي وجائني اين عظوكم اين اختفى

اي الحمدلله على كل حال ورجعت الاخوة مثل ماهي بس ظلت بعد الصيدلانية ان شاءالله تتفهم الموقف ونستمر في المنتدى ومثل الاول..

طلب ...
يرجى عدم اضافة موضوع في هذه المننتدى وذلك لبقاء هذه المشاركة للامام لحين مجيء الصيدلانية

الحمد لله
شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا
تعبت بعد ما اكدر اكمل
شكرا اخويه النجفي يمعودين منريد زعل بيناتنه احنه اخوه

وان شاء الله ترجع اختنه الصيدلانيه ونلتم مره ثانيه والله كلش مشتاقتلهه وكلبي يمهه ان شاء الله تكون بخير

السلام عليكم كيفك خيتي الصيدلانيه مشتاقين لسماع اخبارك اين انتي عسى المانع خيرا لعدم دخولك للفتره الماضيه يارب اشوفك اليوم منوره المنتدى الف هله بيج بين عائلتكي تحياتي ابن المشخاب

اي والله كلش مشتاقين للصيدلانيه وقلقين من غيابه الايام الي فاتت يا رب اتكون بخير

اخت بنت الهدى اني كاعد اشوفه اليوم موجوده بيناتكم

بنت الهدى كتب:: وانا اضم صوتي الى صوتك اخي العزيز غالب
بس غياب الصيدلانيه موبسبب كونها زعلان لا بس اكوشي مخليها غايبه عن المنتدا ربما اتكون الاشاره او الكهرباء خلينا طول ما هي غايبه منطينها عذرها واذا رجعت الله كريم اني ما ادافع عنها بس اعرفها هي حبابه وقلبيها ابيض وتحب المنتدا وما تكدر اتعوفه

السلام عليكم ياجماعه
شلونكم و شخباركم
و الله اني كلش مشتاقتلكم
الصدق اني بوكتهه زعلت و ردت اكتب رد بس الشبكه جانت ضعيفه و ما كدرت ارد بنفس الموضوع فجنت فاتحه منتدى المرأه (لان اني طبعي افتح منتدايين او اكثر في وقت واحد)فرديت بيه و تسجل الرد
و رحت فتره بعدين لكي اعيد ترتيب افكاري لا غير لان كانت عندي وقتها شغله خاصه.
بصراحه ردت اول البارحه و البارحه ارجع بس الشبكه خذلتي
و اليوم يالله اجه النت
فتحياتي للجميع
مع الود اكيد
و اني فعلا حتى لو اضوج فتره من اي انسان فبعد فتره وجيزه انسى كل شئ مو بيدي
ما ادري هذا شي جيد لو لا بهذا الزمن
؟؟؟؟؟؟؟؟؟؟؟؟؟؟؟؟
مشكوره حياتي للرساله انت و خادمه السبطين و الله هذا يحسسني انه اني فعلا بين اهلي و اكثر همين .
Embarassed

نداء الى الاخوة النجفي والصيدلانيه 584761256

حياتي انت ما تصورين اشكد اني هس فرحانه اني جنت كلش قلق عليج لاني اعرف غيابج موبسبب زعلان لاني اعرفج قبج طيب ما تشيلين على احد واشلون اذا كان اخوج وهو همين طيب مثلج الله لا يحرمنا من اي عضو بالمنتدا
اي هس صدك المنتدا منور بكل اعضاء

الحمد الله الحمد الله من رجعت الصيدلانيه وطلعت موزعلانه عيني اني كنت قلق لغيابكي والحمد الله اليوم بينتنا سوف تبدء المعارك فستعدي لوننطيج فتره للاخذالراحه بكيفج يالله اليوم استراحه

شلونج كلبي شلون صحتج والله اشتاقينالج وكلبنه يمج يمعوده والله وكعت كلوبنه
كلش قلقنه عليج و متتصورين شكد فرحانه من رجعتي والله هسا عيوني دمعت

اليوم منوره المنتدى يا طيبه ستوني ارتاحيت واكدر انام بسلام

تحياتي لك اختي العزيزه

شكرا للاخ غالب العبودي
وشكرا للاخ النجفي والاخت الصيدلانيه على القلب الطيب والروح المتسامحه
ونتمنى من الله ان يجعل قلوبنا صافيه مملوئه بالحب والمسامحه

اليوم [b]عاشقة اهل البيت تكول
منوره المنتدى يا طيبه ستوني ارتاحيت واكدر انام بسلام للصيدلانيه 000الحمد الله من راح تنامين اليوم نوم العافيه ههههههههههههههه[/b]

الحمد الله على رجعتكم اخواني وان شاء الله ماكو زعل بينكم لانكم اخوان
واشكر الاخ غالب لهذه المبادرة الطيبة ليصلح بين اخوته وانشاء الله اخوة للابد
تحياتي لكل اخواني واخواتي

عاشقة اهل البيت كتب:: شلونج كلبي شلون صحتج والله اشتاقينالج وكلبنه يمج يمعوده والله وكعت كلوبنه
كلش قلقنه عليج و متتصورين شكد فرحانه من رجعتي والله هسا عيوني دمعت

اليوم منوره المنتدى يا طيبه ستوني ارتاحيت واكدر انام بسلام

تحياتي لك اختي العزيزه

[size=16]
حبيبه قلبي
اني بخير احنه الاشوق
Embarassed

كلامج انت دمع عيني
ان شاء الله تكونين فرحانه دوم
المنتدى منور بوجودكم
نوم العوافي حب
تحياتي الج ورده
وردة

[/size]

نور الهداية كتب:: الحمد الله على رجعتكم اخواني وان شاء الله ماكو زعل بينكم لانكم اخوان
واشكر الاخ غالب لهذه المبادرة الطيبة ليصلح بين اخوته وانشاء الله اخوة للابد
تحياتي لكل اخواني واخواتي

حببتي منوره الموضوه
و تحياتنه الج ورده و
تحياتنه للاخ غالب

الامام علي عليه السلام يقول
اصلاح ذات البين خير من عامت الصوم والصلاة
يتدلل النجفي والصيدلانية

اهلا وسهلا بيج اختي العزيزه الصيدلانيه نورتي المنتدى برجعتج
ومشاركتج صدك فرحتينه والله ليحرمنه منج انشاء الله ياطيبه

يتدلل النجفي والصيدلانية