بيت الحشاشه

والله صراحة اني اكبر حشاش بالمنطقة يعني مو منطقة بيتنا وانما اقصد منطقة الشرق الاوسط ولوما اني مدير المنتدى ولازم ردودي تكون رزنة مو كلهة تحشيش جنت ابقى محشش توب ومع ذلك دورات ما استحمل واسوي تحشيشات سواء كانت خفيفة او متوسطة او ثكيلة (هايطبعا تلكوهة موجودة بشهادة التحشيش العالمية الصادرة من وزارة المهجرين والمهاجرين ) لذلك من هذا المنطلق عندي ابيات تحشيشية اموت عليهة راح اذكرهة :

كنت اخاطب صديقي شلاخة بن حلبوص قائلا بقصيدتي الميمية الخالدة من على سطح دارنا :

هم شفت هم سمعيت هم سولفولك .... لا شفت لا سمعيت لا سولفولي
يلوجهك وجه خفاش لابس بجامة ....مثل الطلي بالماي ياكل زلاطة
شافنه من بعيد غطن كدرهن .... هذاك ابو الماطور علباته سودة

والى تحشيشات اخرى ان شاء الله اخوكم محشش يشرب جكاير

والله يااستاذ اني اشتريت هذا البيت لهل سبب حتى تاخذون راحتكم بالتحشيش كل واحد حر ابيته محد الى شي عدنا الله انشاء الله يديمنا هذا البيت

اني اليوم عندي سؤال اريد اطرح هنا بالبيت خلي نحجي بي

(الي يوقع بيد المسؤول عن قطع التيار الكهربائي شيسوي بي )

كلواحد من الاعضاء خلي ينطيني رايه

اني راح اجاوب اول وحد

اعلكه بالشبه واخلي الكهرباء الي شالع كلب العالم بيها اتنتله ونفتك منها هههههههههههههه

ولي بعدي شنو رايه

دك دك دك

هاي الدكة مال الباب
أي غير أدك الباب وبعدين أطب

السلام عليكم
بالنسبة لهذا أبو الكهرباء اني ما اكهربة وأموتة بالعجل
لا بالبداية أعذبة شوية يعني أطلعة بالشمس فد شهر شهرين
وبعدين أشغل المولدة وأحطة يم الصالنصة وخل يشبع دخان
وبعدين أظل أعذب بيه لحد ما تقريب يريد يموت
عود ذاك الوكت أجيب لة واير وأكهربة ونخلص منة


خو زين


بس مع كل هذا يجوز أسوي هجي ويجوز أعيفة أكلة الله يسامحك
لأن أني هم طيب مو بس تيمو طيب

اهلا وسهلا بيك خويه هذا بيت الحشاشه بيت كل اعضاء المنتدا فماكو داعي ادك الباب يمت مااتريد تفتح الباب وطب ولهذا السبب اني راح اسوي مفاتيح على عدد اعضاء المنتدا حتى لحد يوكف بالشمس ويتعب وهو يدك الباب يعني يمت ما تردون اطبون للبيت هههههههههههههه اشرايك خويه

اما بالنسبه لابو الكهرباء فهذا اشويي بيه يستاهل اكثر وما يستاهل اي رحمه والله كل مساهمه اكتبها اربع وخمس مرات يالله اكدر اسجلها بس هذه المساهمه هاي سادس مره اكتبه كل مره تنقطع الكهرباء كبل لا اكملها

ا