القصه الاولى ( حبيبي الى الابد )
الفصل الاول
يركب باجان حصانه حتى يروح للغابه يشوف حبيبته وضرب الحصان وانطلق
طربك طربك طربك طربك طربك طربك على ماوصل الىالغابه صار الفصل الثاني
الفصل الثاني
وصل الى الغابه وجان ينزل من صهوة حصانه ومن نزل رجله جلبت بالسرج
وحاول يطلع رجله بس عاصيه حاول وحاول وحاول وحاول وعلى ماخلصها
صار الفصل الثالث
الفصل الثالث
وصار بالغابه وجان يشوف حبيبته من بعيد وجان يركض باتجاها وهي تركض
باتجاها المسافه بعيده بيناتهم هو يركض وهي تركض هو تعب كعد دخن جكاره
وعلى ماخلص رجع يركض يركض وهي تركض وجان توكع قراصتها وكفت جابتها
وشكلتها براسها وجان بعدين كامت تركض وتركض وهو يركض يركض على
ماوصلوا صار الفصل الرابع
الفصل الرابع
حبيبته من شردت من البيت لانه اهلها يريدون يزوجوها ابن خاموريهي (ابن عمها) وهي
متحبه شردت وشافوها اهلها تشرد جان يضربوها طلقه بالقلب واربعه بايديهه
وعشره بالفخذ وسته اجتي بالجمجمه واحذية ترس بكصتها ولكن رغم هذا بقت تركض وشردت رغم الدماء
الي طلعت منها ورغم شظايا القنابل الي شمرها ابن اختها الزغيروني استمرت
بالهروب وركضت مسافه من بغداد الى عمان الى ان وصلت الى حبيبها ومن وصلت
شمرت نفسها بحضنه والدم مغطي جسمها وحبيبها من شافها كام يصرخ حبيبتي
حبيبتي شبيج جان هي تكله راح اكولك بس خليها على الفصل الخامس
الفصل الخامس
جان تكله اني شردت من اهلي علمود لانه وجان بهاي اللحظه دك الموبايل مال حبيبها
والنغمه مالته موسيقى هنديه ومن حبيبته سمعت النغمه كامت تركص هي وياه ويغنون
لانه قصه هنديه بدون دك وغناء مو هنديه وراها وكعت بالكاع وكالت حبيبي كلي احبج
قبل لا اموت بس حبيبها جان صايم وكال مايصير اذا كتلج هيجي يعني راح افطر انتظري
مدفع الافطار يضرب بالفصل السادس
الفصل السادس
وفعلا ضرب مدفع الافطار وجان هي تكول يلة كلي احبج قبل لا اموت بسرعه بس
هو ما كلهاها كال هذا مدفع الافطار مال اهل السنه احنا مو هسه بعد شويه
جان تكوله شوكت الافطار مالتكم جان يكول بعد شويه على الفصل السابع
الفصل السابع
يلة كلي احبج اي مو راح اموت جان يكلها بعد مو هسه النجمه ماطلعت بعد الافطار
مالتنه ماصار يمكن على الفصل الثامن
الفصل الثامن
الحبيبه تكوم من الكاع تباوع على السماء ادور على النجمه لانه جاي تحس نفسها
راح تموت وجان تشوف النجمه وصاحت طلعت طلعت يلة كلي احبج بس حبيبها كال
لا ولج هاي مو نجمه هاي طيارة ورقية مال ابن جيرانة... يمكن هسه على الفصل التاسع تطلع
اصبري
الفصل التاسع
وطلعت النجمه وجان يباوعلها حتى يكلها هو يحبها بس... بس... بس طلعت ميته حبيبته ميته جان يصيح
لا لا لا تموتين اه اه وجان يحط راسه بين ايدها ويبجي ويلطم وجان بيده يغمض عيونهه بس وكعت العدسات مالتهه فاتفاجأ لان طلعت حولة وباوع ايدة لكاهه مدمرة اسود طلعت الكحلة مالتهه فمسح الكحل من عينها طلعن عيونها صغار وبعدين مسح الحمره من حلكهه طلعت شفايفها مفطرة ومسح الوردي من خدودها
وبعيدن شال الفلاش من جفونها ووخر الباروكة واتضح انه شعرها واكع وبعدين طلع وجهه اسود للعلم هية جانت اكبر منة بعشرين سنة بعدين كام يتذكر شلون التقو بالبداية هوة جان يمشي بالغابة ولكة طفلة بالكماط تبجي اخذهه للبيت ورباهه وكبرت وصارت هاي القصة كلهه...اخر شي راد يدفنهه فمد ايدة بجنطتهه حته ياخذ اي شي يتذكرهه بي فلكة هويتهه جان يقرة الاسم ويتفاجأ...تدرون منو طلعت؟؟؟؟؟؟؟
اذا حزرتو منو كلولي
النهايه__________________
موضوع: من روائع القصص الهندية 
الجمعة أبريل 18, 2008 8:43 pm
