مسجات دارمي طب وشوف لتتعاجز

كون الحبيب يصير بالحمزه دنكََه وبحجه الزوار كل ساعه اشبكَه
................................
ناذر نذر لوجيت وتشوفك العين اكعد واجدي اسبوع يم باب الحسين
...............................
تدري شكثر يفلان وشكد احبك من كثر ما اشتاك مرات اسبك
...............................
ادري انته صاير توم وانه لك جيري طلباتك بس وياي لو ويه غيري
...............................
ابدع تفنن بيك واتقنك ربك....ياعمي اموت عليك يا عمي احبك
...............................
بالگلب ماناسيك صورة الك راسم .. حب من عهد هدام مو حب حواسم
...............................
قلة عقل يهواي جيت اسال التيل

مامر عليك هواي يالتضوي بالليل
...............................
كل ظني بيك ارتاح بيك اظوي داري......ثاري طلع يفلان حبك تجاري
...............................
باليمنة اكل بيه باليسرة اشربة عفتة انة بس يومين شفتة وية غربة
...............................
ليش انت هيچ وياي تجرحني دومك تدريني احبك حيل من خرب يومك
...............................
أحچي بصراحة وياي حلوة الصراحة

ميلوگلك والله طبع الوكاحة
..............................
ليش الحلو محبوب من أصدقائه لو كتل عشرة بيوم يطلع براءه
.............................
الدهر بس وياي شد الحرابه

من عكب خمس قصور هسه بخرابه
.............................
كون اني نجم بليل وانطر واتاني

تطلعلي بالشباك وانزلك اني
.............................
شتله بوسط هالروح حبك زرعته

كل همك انا انساك مخبل انت
.............................
كلبي ما عشك بنات ولا عشك نسوان

بس انت وحدج بي اي ولله والقران
...........................
حبك عماني بساع خلاني ما شوف

ارجف بنص تموز ومكبع بصوف
...........................
شنهو العسل وياك مايسوه فلسين

العسل ظاگك گال هذا الحلو منين
..........................
تدري الله من سواك ما دزك بساع !!

خاف انقلاب يصير من توصل الگاع
...........................
شحجي وشرد عليك مو كلبي فاير جداحه هيتر صار لهل الجكاير
...........................
خدك ورد رمان ومربى مشمش .... اجيك مثل الذبان واتگلي كش كش
...........................
اسمر وخاف عليك من مشية الكاع فوك السمار البيك عيونك وساع
...........................
لو فد سباق يصير ياهو اجمل الناس ونذب عليك تراب هم تاخذ الكاس
...........................
إعيونك انتة القوس و إرموشك سهام ... كلمن يصد ترميه ، و تحكمة إعدام
...........................
يلي وكعت بالبير ظل بمجانك من تطلع يصكوك يشوون اذانك
...........................
يكتل جمال البيه بس بيك لوله........عوف السمن مو عيب بس عينه حوله
...........................
بصطالي مو بصطال ........ بصطالي شمعه

كل ما افز بليل ........... اكعد ولمعه
.........................
شلونك صباح الخير ياأحلى وردة........مانمت طول الليل حلفي المخده

صوم وصلاه نيشان بالكصه راسم......لو تسئل التاريخ يطلع حواسم
..........................
اتمنه تعجبكم تحياتي

عاشقة ال الصدر

مشكوره عزيزتي الله يوفقج ان شاء الله.

عاشت الايادي ياعاشقت الصدرين على هذه الدارمي الجميل جدا واريد بعد احسسسسسسسسسسسن لان اخوتج تره يحبون الدارمي ----المشخابي----

مشكوره على المرور والرد الجميل خادمة السبطين
وشكرااااااا لاخي العبودي واني بالخدمه لاهلنه بالمشخاب
واوعدكم بدارميات كلش حلوه اذا طيبين ان شاء الله


عاشقة ال الصدر

شحجي وشرد عليك مو كلبي فاير جداحه هيتر صار لهل الجكاير


ههههههههههههه
حلوة الدارميات عاشت ايدج عاشقة حبيبتي وردة

مشكوووووووووووووووووووووووره يالغاليه

مسجات روعه

وننتظر المزيد باذن الله


الطيب

تسلمين كلبي دالي
وانت تيموووووو منور
واني عد وعدي ان شاء الله انشر دارمي روعه لان انتو تستاهلون

عاشقة ال الصدر

رررررررررررررررررررررررررائعه

مشكووووووووووووووووره