اكمال الدراسه أم الزواج ..!! أيهما فى مصلحة الفتاه..؟؟

اخويه هي حسب البنيه اذا رادت الزواج او اكمال الدراسه بس بنظري اكمال الدراسه شي ضروري جدا وممكن البنيه تتزوج وتكمل دراستهه بنفس الوكت واذا كان الزوج والزوجه متفاهمين مراح تصير اي خلافات او مشاكل بس الشهاده ضروريه جدا للمراه وبنفس الوكت تساعد الرجل بالدخل المادي

اني احبذ الدراسه ومن ثم الزواج وبقت حسب راي المراه نفسهه والي تشوفه الخيار الانسب الهه

شكرا على هذا الموضوع الرائع تسلم اخويه العزيز

اولا_ بارك الله بيك اخي على هذا الموضوع الصريح واللي معاصر واقعنه
ثانيا _حسب وجهة نظري الدراسة والشهاده شي مهم جدا الشهادة ضمان للمراة بحياتهه ومن ناحية ثانية هي هم مساعده للاهل او الزوج فاني ما اتفق وية البنية اللي تترك دراستهه وخصوصا الدراسة المتوسطة والاعدادية حته تزوج على الاقل تخلصهن وتدخل كلية او معهد وبعدين بذاك الوكت تفكر بالزواج لان اني هواي شايفة حالات انه البنية دارسة وتعبانه ومن يجي نصيبه يكلهه اخليج تكملين بس بعدين يصير غير شي وتبقه بعد يم البنيه حسب قرارهه
ثالثا_الزواج مسؤليه والزوجه مسؤله امام رب العالمين اولا وامام وزوجهه وحته امام الناس والمجتمع لان مراح تطي حق لا لدراسته ولا لبيتهه والله يساعدهه اذا صار عدهه اطفال
اعذروني طولت عليكم بس الموضوع مهم واني اكول اللي مخليه عقلهه براسهه خلي تلزم شهادتهه بيدهه وبعدين شتريد خلي اسوي حته يصيرلهه قيمة

عاشقة ال الصدر

واني اخالفكم الرأي جميعا

لان المرأه لها بيتها وزوجها وبس

فما اعتقد انه اكوو ضرر ان تبطل البنيه من المدرسه لتلقى بيتها وزوجها ( طبعا الزوج الصالح ) مو مو الصالح لان هذا راح يتعبها

واذا على الدراسه والزواج فاني اشوفه شي صعب ومحد قال رايه بالاستناد الى الواقع

لان الزوجه كاعده 24 ساعه بالبيت تكنس وتطبخ وكلشي اسوي يالله ملحكه على شغلها
ادور تدرس وتشتغل ( شيخلصها من خوات العريس وام العريس مو يالبنات )


الرأي السديد هو للمرأه للبيت وليس بالضروره للكليات والمدارس وبس

وواجبها انساني اسمى من انها تدرس
واجبها انساني ومفضل ولها الاجر الكبير يوم القيامه
كيف لا وهي تحمل شرف الامومه


وهذا رأيي ولا احد يقول عليه هذا معععععععععقد


اوكي


شكرا اخوي العزيز على الطرح الجيد


تحيات الطيب
تيمووو

مشكوووووورين جميعا على ردودكم .
وطبعا كل واحد واليه رأي
مشكوووورين مره ثانية على ردودكم الرااائعه

لا طبعا الدراسه اهم شي يعني على الاقل البنيه تكمل الدراسه الاعداديه وبعدين ماكو مانع تزوج وتكمل الدراسه الجامعيه وهو حسب البنيه اذا كدرت توفق بين الاثنين هذا شي كلش ممتاز وقد البعض منكم يعترض على فكرة ان تكون الزوجه بنفس الوقت تدرس وتهتم بيتهه وزوجهه ويكولون هذا شي كلش صعب وبنفس الوقت مو ناجح بس هوايه اكو بنات ويانه هنه بنفس الوقت مزوجات ويدرسن ومع العلم هنه من الاوائل وحتى اطفال عدهن وعادي كادرات يوفقن بين هاي الاشياء كلهه بس ارجع واكول هذا كله يعتمد على البنيه ودرجة طموحهه وتفاههه مع زوجهه بس تبقى الشهاده هي الضمان الحقيقي والوحيد للبنيه.

وجزيل الشكر الك اخويه ولد القطيف على طرحك للموضوع وان شاء الله دوم الابداع والتالق.

مشكوووووووره على ردك الجميل

بسم الله الرحمن الرحيم وبه نستعين اخوتي اخواتي ايامكم سعيده ومباركه وبعد
المهم في بناتنا ان يكن مثقفات ليتزوجن ويكن اهلا لبيت الزوجيه والمشكله اننا لانعرف معنى الثقافه
فنربط الثقافه بالشهاده وهذا خطأ كبير فكم من حاملات للشهاده (على مستوى طبيبات واكثر) وتفكيرهن لايتعدى تفكير الاطفال وكم من بنات لايحملن من الشهادات وتفكيرهن يوزن بثقل الجبال
فالمثقف هو من عرف مكان كلامه من عمله ومن عرف قدر نفسه ومن قل كلامه الا فيما يعنيه هذا هو المثقف في الاسلام وليس بحمل الشهاده العليا فاجدادنا واباءنا لم يكونوا حملة شهادات ولكنهم كانو ارباب المضايف وكذلك امهاتنا كانو يعرفون معنى الحياة من التجارب........هذه من ناحية الثقافه اما اذا كنت تقصد الامور الماديه فقد قال النبي الاعظم صلى الله عليه واله تنكح المرأة لثلاث مالها وجمالها ودينها ففز بذات الدين تربت يداك
تقبل مروري