علاوي يقارن نفسه بقوة صدام مع قصيدة بقلم سيد أحمد ألعباسي

علاوي يقارن نفسه بقوة صدام مع قصيدة بقلم سيد أحمد ألعباسي

--------------------------------------------------------------------------------

علاوي يقارن نفسه بقوة صدام مع قصيدة بقلم سيد أحمد ألعباسي

بسم ألله ألرحمن ألرحيم ...وأذا قيل لهم أتبعوا ماأنزل ألله قالوا بل نتبع ماوجدنا عليه أبائنا أولو كان ألشيطان يدعوهم ألى عذاب ألسعير...صدق ألله العلي ألعظيم . من سورة لقمان أية 20 .

حذر ألسيد دولة رئيس ألوزراء ألعراقي ألسيد ألمالكي من ألذين يعبثون بالعراق وأتهم شخصيات عراقية حكمت لمدة وجيزة . في أشارة منه ألى رئيس ألوزراء ألأسبق علاوي ألذي يجاهد مستميتا على زعزعة ألوضع ألأمني وألسعي ألى تمزيق وحدة ألشعب ألعراقي بهدف ألوصول ألى هدفه ومبتغاه كرسي ألحكم ولو على جثث ألأبرياء كما نوه ألسيد ألمالكي .
ألأمر ألغريب بالموضوع أن ألبعثيين جلبوا على نوع معين من ألحياة ألفوها في عهد ألمقبور هدام . وتمتعوا بمزايا لم يحلموا بها في أحلامهم فكيف بالواقع تصبح حقيقة وليس خيال . هذي ألأمتيازات كانت ولاتزال محرك لنشاطهم ألتعبوي وألهجومي على ألحكومة ألحالية . ومن مثل هؤلاء لو مليون مصالحة ماتفيد وياهم . خاصة من لايزال يشعر بحلاوة ألبعث في فمه ولاتزال أفكار ألبعث راسخة في ذهنه . ولايزال يتمتع بالأموال أللتي سرقها من ألشعب ألعراقي ألمسكين ألمغلوب على أمره . من مثل هؤلاء تربوا وعاشوا وأكلوا وشربوا من لبن ألبعث ومن ثدي صدام حليب عفلق كيف تقدر تصنع من هؤلاء رجالا صالحين بالمجتمع ألعراقي ألجديد ؟ أكيد هناك صعوبات جمة تقف حائلا وراء ذلك . وألحكومة بذلت جهدها لفرض سيطرتها على هؤلاء ولكنهم يلعبون على ألف حبل . كان ألبعثي سابقا ألذي تعود على بعض ألخدمات منها أنه درج أن يترك موزع ألحليب وألقيمر في باب بيته هذي ألمنتوجات وغيرها وجريدة ألثورة وماألى ذلك . غير ألمعونات وألسرقات وألمنح وألايفادات وألقروض وكثير من ألامتيازات لاتعد ولاتحصى . ألان خالي أليدين . وهذي ألمفارقة أللتي تجعل ألبعثيين في وضع مأساوي يجعلهم ينتفضون على كل شيء . علاوي يقارن نفسه بقوة صدام . وتجده يصارع ألزمن ويريد أن يفرض شخصيته من خلال لقائه ألزعماء ألعرب وبعض ألأمريكان وأنه ألمنقذ ألوحيد لسفينة ألعراق ألغارقة . وهذي ألشخصية ألمريضة أللتي يتمتع بها علاوي تجعله مهووسا غير متزن وغير منضبط مع نفسه ومع ألاخرين . هذي ألشخصية ألمضطربة في علاوي أوقعت شركائه في مطب كبير كشف في الايام ألأخيرة أن أحد شركائه تركه غير أسف مما جعله هو وغيره غير محظوظ بتولي منصب بالحكومة كما حظي غيره بذلك . محاولة علاوي لسحب ألثقة من ألحكومة غير واردة بالوقت ألحاضر . وهذا ليس تفكير علاوي فقط وأنما معه صالح ألمطلق وألعليان وألدليمي يسيرون بهذا ألأتجاه يحاولون يشكلون أغلبية برلمانية لتشكيل أئتلاف برلماني جديد ويهزمون ألكتل ألمقابلة لسرقة ألحكم بهذي ألطريقة . وهذا ألأبتزاز درج عليه من تعلم من صدام ألدكتاتورية . أليوم ألعراق يعيش ألديمقراطية . وليس حكم ألفرد ألواحد ألمطلق . وعلى ألبعثيين أن يدركوا ذلك جيدا . ألان ألمشاركة وطنية من جميع ألكتل . وهي حكومة وحدة وطنية بمعنى ألكلمة . وجائت عن طريق صندوق ألأقتراع وألشعب ألعراقي من أنتخبها وهو يقف خلفها . أما بهذي ألطريقة أللتي يتبعها علاوي ألذي تراه يلهث في هذي ألدولة وتلك ويتوسل بهذا وذاك من ألملوك وألرؤساء ألعرب ألا لأطماعه ألشخصية ومايحمل في داخل نفسه من تناقضات مريضة للرجوع ألى ألحكم بأي وسيلة . بالمناسبة علاوي لايملك برنامجا لخدمة ألعراق وأن كان عنده برنامج فهو لخدمة مصالحه . وليس لخدمة ألشعب ألعراقي وضعه من يعمل معه في ألقائمة لأثبات للرأي ألعام بأنه جاد ويريد ينقذ ألبلد من محنته . ومايعمل عليه علاوي في ألوقت الحاضر ضم بعض ألتكتلات معه وبهذي ألطريقة يسحب ألبساط من تحت أرجل ألحكومة . ومازياراته ألمكوكية للدول هي ألحصول على دعم وتأييد لما يقوم به . وهنا أريد أن أنوه وأشير ألى كل واحد يفكر بنفس طريقة علاوي وأعتقد علاوي لم يتعظ من ألدرس ألذي لقنه له أهالي ألنجف ألكرام . لايجني سوى ألخسارة وألفشل وألخزي وألعار . ويسقط في حفرة لامخرج منها أبدا . وها أنتم ترون بأم أعينكم قائمة علاوي تتفكك وتنهار . كتبت هذي ألقصيدة على كل واحد تسول له نفسه أن يقوض حكومة ألشعب أللتي اختارها وأنتخبها وضحى من أجلها بالغالي وألرخيص وتحدى ألأرهاب وألمفخخات وألعبوات وخرج ألشعب ألعراقي ألى ألشوارع فرحين بمافعلوا مبتهجين وكان هذا نصرا مبينا .


شنهو ألحل؟

كل يوم أجتماع ومايطلع بتلفزيون وماندري شوكت يتفقـــــــــــــــــون
ركبت عالجتاف ألاجتنه خـــلاف وأنحسدنه ضربتنه ألعيـــــــــــــــون

هجت ذيابه بليل ونهـــــــــــــــار تنهش بلحم ألأئتلاف بلذه ياكلـــــون
سن ذيب معروف لو عـــــــــض ومن دمنه شربوا بيه يلتـــــــــــــذون

شوكت ألحكومه تأدب ألحيات أشوكت ألحرامي أنشوفه بسجن مسجون
وتضرب عليهم بيد من حديــــــد وتطبق عليهم ألقانــــــــــــــــــــــون

كلي شلون نصبر وألصبركام يخون وألعدهم صبر ماعادوا يصبــرون
صح تكفير وبعث وأرهــــــــاب بس بالعلن خل يكلون كل شي ويعلنون

أبن أمه من ألشليله يطلـــع راس وألشليله معكده ومن تفتحها ينخبصون
سمجه وماتنكمش بالأيــــــــــــد تكمش حكومه أشلون عدها سنـــون

ألعكارب صارت تلدغ ألمنتخبين تنكط سم عاليحكمـــــــــــــــــــــون
جربوا كل ألوسايل بيها ليل نهار ديحوجون عالأئتلاف أشلون يحتالــون

مره وحده وطنيه أنريد وياكــــم ومره لحمه ومره شحمه ومره يعضون
وأحنه ألننقذ ألوطن ونخلص ألعراقييـن حكومه علينه يشكلون هم يردون

تاهت وألأصوات هــــــــــواي أسلامي وشوعي وكوردي يختلفـون
خبطت وألخبطه مي وطيــــــن كلي أشلون بالبطين يجتمعــــــــــون

كل يوم أجتماع ومؤتمر معكود حزب يرفع ثاني يكبس شعب يتفرجون
ألمهم منهويحصل كراسي أكثـــر وألعراقيين جوه هذا ألكرسي ينذبحون

صرنه قربان وضحيه وصرنه لعابات عمي علينه ديضحكــــــــــــــون
تتفجر عليمن كلي ألعبـــــــــوات منهو ألكاعد يحرك ذوله أليفجـرون

منهو ألجاي يتكطع وصل ليل نهار منهو ألجاي ديموتـــــــــــــــــون
ألحكومه لوأولاد ألضحايه وألمساكين عجبه ألعراقيين للمحنه ديجرعون

أمريكا تجر طول وعرض بالناس أكبرممثله وخوش والعباس ديمثلون
ولاأحنه تك رجل نمشي فوك ألكاع ولابثنين نمشي مشية ألمــــوزون

نكعد ماأظن نوصل حــــــــــــــــل نسكت بينه يتشمتــــــــــــــــــون
نحجي كالو بصل ديثرمـــــــــــون نمشي ألكربله كالوا راحوا يلطمون

يارب ألجلاله أنت كاعد أتشــوف منهو أليصب ألزيت عالنارويحركون
شعب قرر للحياة يعيــــــــش بس ياوسافه تماسيح ويانه كامو يبوكون

نتقدم نمشي شويه ليجــــــــدام يرجعونه للمربع ألأول همه يتعمدون
كلنه نتنازل هم قبلنه يصيــــر يوميه ألحجج همه علينه يتلونــــــون

يوصفونه أحنه من أيران وموعراقيين وميخالف نكلهم ليش تنخدعون
ومره مهجرين لوجايين عالدبابات وهم ميخالف نكلهم حته ميزعلون

هذي محاصصه لوعالشعب طلعت نار وألعراقيين هلكد ميتحملون
أحتارت هالسفينه أبنص بحر غدار بس ربك ألينقذها من أليغـــدرون

لاواحد يرد عليهم لو بدو يحجون لاواحد يكلهم كافي لاتلحـــــــــون
لاواحد يرد ألتهمه بالتلفـــــــــاز لاأعلام عدنه وماكو أليصرحــون

وظلينه بيد ألضاري وعليــــان وألهزاز وعلاوي للحكم مجنـون
وألهاشمي ومطلك وألخوارج كل بيديهم مساحي أوللوطن ديهدمون

واحد من أيدك أليمنه يجـــــــــر وألباقي من أليسره ديجــــــــرون
سبونه سباية ألعبـــــــــاس وأبشرك هالسبايه منهج صارت وقانون

ألعوايل ذيج مهجره وبالخيم مشموره وأبشرك ألشيعه كل شي ميسوون
راح تظل تنام عله ألصدرحسرات أمريكا وبعث وألتكفير بينه يتحكمون

كافي ألصبر مل منه ألعراقييـــن لأن همه سبب بيها ويعرفــــــون
وماظل صبر لاظل حيــــــــــــل بس قهر ألكاعد ديتفجــــــــرون

شوكت يصحه ألضمير ألعند ألسياسيين شوكت للعراقي يخدمـــــــون
شوكت ينسون شوي ألأحزاب شوكت ألنه يلتفتـــــــــــــــــــــــون

شبت بالضلوع ألنــــــــــــــــار كلي شوكت ياسياسيين بينه تحسون
كافي ألطمع هم موزيــــــــن تغريكم مناصب وشعبكم عنه تغمضون

ذاك ألنفط جوه بيوتنه يانـــاس موعيب نتغطه بكراتين وشمس يكلون
موذيج ألصرايف تشهد للدول كلها لعد وين ألنفط وين فلوسه ماتحجون

لاظل كهرباء وصار بيه ألخير وألمي كل يوم والثاني أله يكطعون
لاأعمار لاأسكان لاتبليــــــــــط وألحصه أبشرك نصها ديلغفــــون

عمي هسه ألحصه هم منريـــــد خل ألأمن أفضل لو أله يحصرون
يوميه أجتماع وزبده مامش باللبن مرات شرأي ألحكومه هسه أشلون

واحد يكلي ألحل شنهو ألحـــل مو كلها كام تصيح شلون ربي شلون
طكت وألتفك كام تثــور عمي راح نشيل من ألوطن همه خل يبقـون

سيد أحمد ألعباسي

لاظل كهرباء وصار بيه ألخير وألمي كل يوم والثاني أله يكطعون
لاأعمار لاأسكان لاتبليــــــــــط وألحصه أبشرك نصها ديلغفــــون

عمي هسه ألحصه هم منريـــــد خل ألأمن أفضل لو أله يحصرون
يوميه أجتماع وزبده مامش باللبن مرات شرأي ألحكومه هسه أشلون

ياهوه اليجي يلغف بعد ماكو واحد شريف ويخاف الله ويفكر بالشعب التعبان الكاتله الضيم بس ملتهين بالبوك الله ينتقم منهم

بارك الله بيك اخي على هذه المقالات الاكثر من رائعه سلمت اناملك
وفقك الله لخدمة الوطن وبارك الله بيك
والله يخلصنه من كل ظالم