امثال عراقيه .....

السلام عليكم و رحمه الله و بركاته

الليوم جبتكم مجموعه من امثال عراقيه
يارب تعجبكم

امثال عراقيه ..... Floral3f

1- يتعلم الحجامة بروس اليتامى
2- اطعم الحلك تستحي العين
3- يحفر البير بابرة
4- النادرة تغزل بعود والجايفة تكول الشج معووج
5- عند البطون تعمي العيون
6- سبع صنايع والبخت ضايع
7- لسان الطيب يطلع الحية من الزاغور
8- مو كل من صخم وجهة كال اني حداد
9- كلمن يحود النار لكرصتة
10- صفي النية ونام بالبرية
11- احاجيج يابنتي واسمعج ياجنتي
12- هم نزل وهم يدبج عالسطح
13- ايدة بالماعون واصابعة بالعيون
14- بيضة اليوم احسن من دجاجة باجر
15- شين التعرفة احسن من زين المتعرفة
16- تدهدر الجدر لكة قبغة
17- بير التشرب منها مي لتذب بيها حجارة
18- الما يسوكة مرضعة ضرب العصي ما ينفعة
19- الدنيا كون كلمن همة لون
20- كل لشة تتعلك من كراعها
21- كلمن ذنبة على جنبة
22- الشبعان ميدري بدرد الجوعان
23- ياحافر البير لاتغمج مسا حيها خاف الفلك يندار وانت تكع بيها
24- المبلل ميخاف من المطر
25- اللي يريد شىء يفوت شىء
26- المينوش العنب يكول حامض
27- ورة مخلص العرس اجتي الرعنة تهلهل
28- الديج الفصيح من البيضة يصيح
29- صانع الاستاذ استاذ ونص
30- لو ردت صديقك دوم حاسبة كل يوم
31- صاحب صنعة ولاصاحب قلعة
32- سد بابك امن جارك
33- طلعها من حلك السبع خشت ابطن الواوية
34- انهزم من جوة المطر وكع جوة المرزيب
35- بالوجه مراية وبالكفة سلاية
36- من السكوتي طكي وموتي ومن الورواري خلي وفوتي
37- جدرة على نارة وعينة على جارة
38- نست مرة العم جانت جنة
39- ياعجوز ما جنتي جنة
40- الشادي بعين امة غزال
41- حتى القمر بي لولة
42- ودع البزون شحمة
43- من تكثر الملاليح تغرك السفينة
44- مكدي ميحب مكدي
45- ظل البيت لمطيرة طارت بي فد طيرة
46- الميعرف تدابيرة حنطتة تاكل شعيرة
47- المفلس بالقافلة امين
48- موت يا زمال لمن يجيك الربيع
49- عيش يا كديش لمن يطلع الحشيش
50- خلي المر جوة والحلو فوك
51- غاب القط العب يا فار
52- اجا يكحلها عماها
53- يشتري سمج بالشط
54- حجارة الما تعجبك تفجخك
55- ها لباب على ها الخرابة
56- ما تضيك الا تفرج
57- العاضتة الحية يخاف من مسحالها
58- كلمن دك طبلة هو كبلة
59- مو كل مدعبل جوز
60- مد رجلك على كد غطاك
61- اذا لم تستطيع ان تعض فلا تظهر اسنانك
62- لو تفك بابك وتفتخر لو تسد بابك وتنستر
63- رومانتين بفد ايد متنلزم
64- خاشوكة خاشوكة تنترس البستوكة
65- يوم كيمر وعسل يوم خبز وبصل
66- دخانك عماني وطبيخك ما جاني
67- الرحية دايرة والبركة طايرة
68- كلمن بعقلة راضي لكن برزقة لا
69- اتعب يا شجي للنايم المنتجي
70-هم مدت الخنفسانه رجلها و كالت نعلوني

امثال عراقيه ..... Floral3f

يتعلم الحجامة بروس اليتامى

هذا المثل صدك هسه ذوله السياسين يتعلمون بروسنه سياسه
واحنه الضحيه
الناس كاعد تموت وهمه يتعلمون التصريحات
شكرا لكي الصيدلانيه على هذه الامثال

غالب العبودي كتب:: يتعلم الحجامة بروس اليتامى

هذا المثل صدك هسه ذوله السياسين يتعلمون بروسنه سياسه
واحنه الضحيه
الناس كاعد تموت وهمه يتعلمون التصريحات
شكرا لكي الصيدلانيه على هذه الامثال

كلامك عالجرح والله
اخونك العزيز غالب
و اسلوب النقد اللاذع عندك توب
شكرا جزيلا للرد الحلو
مع التحيه

شكرا لتقيمك لردي
ربي يحفظك ويسترك
انشاء الله ننتظر جديدك

43- من تكثر الملاليح تغرك السفينة

ههههههههه هذا صدك مثل هههههههههه
هذا صدك مثل على جماعتنه بمجلس النواب
كثروا عبالنه يفيدونه ويعبرونه لذاك الصوب انوب غركوه للسفينه
واحنه غركنه وهمه راح يطلعون ويرجعون من حيث اتوا
واحنه راح نبقه الضحيه
مجلس النواب منريد منكم بس بقونه الحصه الغذائيه لتضلون تحتفون عليه موخطيه هذا اشعب وين يروووووووووووووووووووووووووووووح

43- من تكثر الملاليح تغرك السفينة

ههههههههه هذا صدك مثل هههههههههه

هذا صدك مثل على جماعتنه بمجلس النواب

كثروا عبالنه يفيدونه ويعبرونه لذاك الصوب انوب غركوه للسفينه

واحنه غركنه وهمه راح يطلعون ويرجعون من حيث اتوا

واحنه راح نبقه الضحيه

مجلس النواب منريد منكم بس بقونه الحصه الغذائيه لتضلون تحتفون عليه موخطيه هذا اشعب وين يروووووووووووووووووووووووووووووح

عمي غالب راح تودينه بداهيه
خاف يختالوك لو يسدون منتدانه

الله الستار
.