كافيه حواء

ابن الكوفة كتب:

اي اوكي لعد خلونة نتعلم نطبخ اكل علمود بعدين مو بحجة اقصر الطرق الى قلب الرجل معدته وتحققون كل مطاليبكم وتستخدمون معادلة (ما اطبخلك الا اتسويلي وما اسويلك الا اتطلعني ) ثانيا علميا المقولة خطا في خطا في خطا والصحيح ( اقرب الطرق الى قلب الرجل شريانه الابهر ) وما اعرف ليش الصيدلانية متشبثة بهاي المقولة مع العلم هي تعرف وكلش زين اكثر من غيرهة بحكم وظيفتهة انه ماكو اي اتصال بين المعدة والقلب وهاي طبعا محسوبة عليهة وهذا يدل على ان ما فعلتهة في الاخ النجفي لا يحتاج الى تعليق ....


طبعا اني ما قريت الصفحة الاولى بس هاي الصفحة ويمكن دخلت بموضوع لازم ما اعلق بيه بس مثل ميكولون اقرب الطرق الى قلب الرجل معدته هههههههههه

تحياتي للجميع وعاشت الايادي وخلي اروح اشوفلي فد حل علمود انتصر على هاي المقولة لان المرة بعدين تحقق كل مطالبهة من ورة هاي المقولة وهذا شي كارثة (انلاصت وعلي وراحت كل فليساتي ). :x

بنت الهدى كتب:

خويه ابن الكوفه انت غلطة بالعنوان هذا الكافي خاص بحواء يعني راح انزل كل المواضيع الي اتخص حواء والي اتخليها تتقرب من ادم ماحنا لازم نملي معدة ادم مو روح اندور اشلون نخلي ادام يدور عن بدائل يستبدل بيها حواء يعني احنا اريد انخلي ادم تحت رحمتنا (الفرقه النسويه)هههههههههههههههههه

بنت الهدى كتب:

خويه ابن الكوفه انت غلطة بالعنوان هذا الكافي خاص بحواء يعني راح انزل كل المواضيع الي اتخص حواء والي اتخليها تتقرب من ادم ماحنا لازم نملي معدة ادم مو روح اندور اشلون نخلي ادام يدور عن بدائل يستبدل بيها حواء يعني احنا اريد انخلي ادم تحت رحمتنا (الفرقه النسويه)هههههههههههههههههه

هههههههههههههههههههههههه

هذا الاستاذ ابن الكوفه مشرف يمنه بالكافيه يااهلا وسهلا ومثل مكالت اختي العزيزه بنت الهدى احنه راح انعزمك ونسويلك الاكلات الي كالت عليهه بالاضافه الى العصائر والفواكه علمود تعرف الحزب النسوي مالتنه شكد كريم

بس اني عرفته هذا جاسم ابن ساميه دازك تتجسس علينه وتشوف شكو ماكو يابنات ترقبوا ملف فضائح جديد ماطول الاستاذ شرف يمنه


بس استاذ احنه الحزب النسوي مو هينين عدنه جواسيس ومراكز تجسس احسن من cia ومن جاسم ابن ساميه

---

بنـــــــــــــــــــــــــــــــــــــت الهــــــــــــــــــــــــــــــــــــــــــــــــــــــــــــــــــــــــــــــــــــدى

السلام عليكم شلونكم بنات تحضرن للمفاجاه وساندني لازم نحطمهم وباجر راح نراويهم منو احنه

المسااااااااااااااااااااااااااااااااااانده رجاااااااااااااااااااااااااااااااااااااااءا

تحياتي لكل عضوات حزبنا المناضل

اختكم الناطقه الرسميه
عاشقة اهل البيت

عمري الصيدلانيه حجي بنت الهدا صحيح احنه لازم نراويهم منو احنه وان شاء الله باجر انزل موضوع بمناسبة عيد ميلاد الاخ غالب العبودي هاهاهاهاهاهاهاها خوش هديه

حبي الصيدلانيه الله يخليج لتزعلين والله منكدر على زعلج وهسا اني كلش مقهوره بس النجفي والله ميقصد تره يشاقه واحنه اخوه وما بيناتنه شي ان شاء الله

ارجوج كلبي لتزعلين هذا شهر رمضان شهر المسامحه والمحبه والنجفي ميقصد واحنه بالنهايه اخوه وعائله وحده
ومن ناحية ثانيه اعذريه تره جان خايف وقلق منّه ومن الي راح نسوي بيهم هاهاهاهاهاهاهاها يله يا عمري لخاطر ضحكتي لتزعلين ههههههه

اترجاج اوكفي ويانه ولتعيفينه خنصير ايد وحده وناخذ ثارنه

سلامي للجميع

لا لا لا حبي عاشقه الصيدلانيه اعقل من هجي واكبر وهي تعرف كلش زين احنا كلنا خوان بالمنتدا واحد احب الثاني وما يهون علينا انزعل بعض وبعدين النجفي اخونا ومقصده وديشاقه ومو قصد يزعلج هو اكو واحد يكدر يزعل وردة المنتدا ولا يهمج يا احلى ورده احنا تاخذلج حقج منهم بس انتظر لباجر عيد ميلاد غالبي ويشوفين بس انتي لا زعلين وخليج ويانا حتى انكون ايد وحده ونطبق شعارنا (الوحده للوحدات والوحدات للوحده ) مولو مو بس اني انطينا صبر ولا يمج ولا زعلين من النجفي لانا اخونا وصدقيني ما يقصد يزعلج ولو يدري بيج زعلانه جان اعتذرلج ترى اهو خوشولد بس انت طولي بالج وبالنهايه كلواحد واسلوبه بس هو قلب طيب
يله حبي راوينا ضحكتج الحلوه

اصدقين كتبت هذا الرد خمس مرات كل مره قبل لا اسجل تنقطع الكهرباء لحد ما شغلنا المولده ياله كدرت اكملها

السلام عليكم ورحمة الله وبركاته ...
بصراحة اني تفاجئت عندما دخلت للموضوع عن طريق الصدفة ...
وما جنت متوقع كل هذا من الصيدلانية ...


ولتوضيح العبارة أقول ....المقصد من انتي كمتي تخربطين ...يعي بالمزاح بما نكي صيدلانية و في ملف الفضائح الاول عملتي لي خلطة وحصل ما حصل ...والان عملتي خلطة ثانية ولكن انتي من تناولها ولهذا كلت كمتي تخربطين يعني اقصد الخلطة أثرت عليج مو علية ..وكل هذا كان مزاحا ..
عموما انا لم أفصد ما ذهبت اليه الصيدلانية ...وكنت اتوقع ان الكلام اخوي ولا يذهب الى سوء الظن ابدا ...
بالرغم من ذلك وبعد مشاهدة ردها اعتذرت لها في وقتها ويمكنكم مشاهدة ذلك هناك في نفس الموضوع ...
أما بالنسبة لكلمة الظاهر هذا مستواه-الكلمة التي المتني وهي جادة بها - فلا اعرف بصراحة من نزل الى مستوى من ام كلانا ذو مستوى اعلى من ذلك ...
وللأسف انتم لا تعرفون من أكرم النجفي .....

وبعد كل هذا وبما ان هناك أشخاص لا يفرقون بين الجد والهزل ..
فسون لن أشارك في أي موضوع بخصوص الممازحة بين الاعضاء بعد الان وارجو عدم ذكر كلمة انسحاب لانها مؤذية ...
كما وأطلب من الاخت العاشقة وكافة الاخوات صرف النظر عن القضية وترك الملف الذي يتوعدون به للأخ غالب ...
ولا أنسى أن أشكر الاخوان العاشقة بنت الهدى وغالب العبودي لحسن ضنهم بي حيث أكدوا باني لم أقصد ....
وعلى هذا ستكون جميع مشاركاتي القادمة جدية جدا .......
هذا وان كنت انا الغلطان في حق الصيدلانية أقدم لها اعتذاري بكل تصاغر ...مع اني ارى بانها ظلمتني كثيرا وقالت فية ما لا استحقه ...

وكان من المفروض من الصيدلانية أن تضع اعتراضها امامي وليس في موضوع خاص يالنساء ..واني قبل ان اقرأه كنت اتصور بان كل ما حصل كان مجرد مزاح ولم أتوقع ان يصل الى هذه الدرجة ...
مع التحية لجميع الاخوان ...

الصيدلانيه كتب:

بنات تره النجفي مسخهه
يكول تخربطين و مااعرف شنو
الظاهر هذا مستوى كلامه
فاني مراح افوتت للموضوع
مو هروب بله بده الشي يخرج عن السيطره

حبيبتي الصيدلانية ماطول بالموضوع ان شاءالله

اولا هسة احنة بشهر رمضان شهر التسامح والالفة ..والزعل مامحبب بهذا الشهر
واني مو مدافعه للنجفي بس ترة قلبه ابيض وصافي النية اني ماعرفة بصراحة هو مجرد اخ صغير لنا في المنتدى (الذي هو عائلة واحدة وكلنا قلب على قلب) وكلامه طيب يدل على ذوقه ومستواه الراقي
يعني اني تفاجات قريت في موضوع الاسئلة الشخصية اكو مناقشة حول الزعل واجبيت هنا شفت اخونا الكبير غالب كاتب النا موضوع عن الزعل تفاجات اشوف مثل هيجي وعلى شي مايسوى لان هو النجفي ماقصد بكلامة تخربطين يعني انج تخربطين بالكلام وانما قصدة الخلطة مخربطة
ويعني هل من المعقول تزعلين على موضوع اسمه التحشيش والضحك!!!
انتي قلبج كبير ومتسامحة واحنة مامنقبل لمثل هيج زعل
ياربي ترجعيلنا وتتسامحون انتي والنجفي ونظل عائلة ايد بايد

شكرا دالي الاخت الكبيرة ...

اقتباس :

ويعني هل من المعقول تزعلين على موضوع اسمه التحشيش والضحك!!!
انتي قلبج كبير ومتسامحة واحنة مامنقبل لمثل هيج زعل

وهنا يأتي سؤال اخر للصيدلانية ...ماذا يعني التحشيش أذا اخذناه على معناه الواقعي وليس الهزلي ...؟ ...وأذا كنتي تاخذين الامور بجدية هكذا كان من الضروري ان لا تدخلي التى مواضيع تحت عنوان التحشيش ...

لا اخواني صلوا على محمد تره كلنه اخوه اهنانه والمنتدى مثل بيتنه واحنه واحد اخو الثاني واني واثقه اختنه الصيدلانيه مجانت تقصد شي صدكوا ولا الاخ النجفي يقصد شي بس هو مجرد سوء فهم صار بالموضوع واحنه منقبل واحد يزعل عالثاني كلنه اخوه واخوات واحنه مثل العائله الوحده فارجوكم لتزعلون واذا زعلتوا صدكوا احنه راح نزعل عليكم والله الشاهد كلكم اخوتنه وعزيزين علينه ونزعل على زعلكم يمعودين اتصالحو وهذا شهر رمضان شهر الخير والمسامحه


والله ماادري شبيكم مثل العين وصابتكم هسى راح اروح اطكطك حرمل وابعد الشر عن المنتدى واعضائه....

شكرا لكم ..ومثل ما كلت ماكو أي زعل ..بس أكو شي نسيت اكولة ...العاشقة وبنت الهدى ايضا قالوا -كامو يخربطون ببياناتهم وميعرفون شيحجون-وذلك في نفس الموضوع ...ولم يطرأ في بالي أبد ما طرأ في بال الصيدلانية ....بل لم انتبه الا بعد هذا الموضوع ...واعلم ان الامر كان مجرد هزل ..ولا ادري لماذا فعلت الصيدلانية ذلك ....

اقتباس :

لا اخواني صلوا على محمد تره كلنه اخوه اهنانه والمنتدى مثل بيتنه واحنه واحد اخو الثاني

اللهم صل على محمد وال محمد ...لم يكتب هذا الموضوع الا للتوضيح وليس للزعل ...وقد سدلنا السدار عن الموضوع ...وكلنا اخوان ...رمضان كريم ...