ام السمج

موضوع: ام السمج الثلاثاء يونيو 19, 2007 1:56 pm

ام السمج

حلوة ام السمج رغم الزفر بيهة

دزوني اشتري وضليت احاجيهة

دزوني اشتري اهلي سمج فد يوم

ولكيت التبيعه الوجه كله نجوم

كعدت كبالها وكالتلي عني كوم

كصدك سمجتي لو روحي تشريهة

كلتلها يحلوة السمج كله اشريه

بس كولي احبك والله كلبي اخذيه

كالت اوف ربي الولد هذا شبيه

اضن بطران ما يعرف تواليهة

كلت صح بطران وما اعرف الي صار

زوري وكتلج الوحدة بالف دينار

ثلث ساعات لجلج عايف الخطار

وهسه الجوع يم السمج واليهة

كالت كوم عني خاله انته منين

خليني على رزقي وروح يم نسرين

حلوة تبيع خضرة مكحلة العينين

بحجة تشتري والسالفة طريهة

كلتلها على السمج الاهل دزوني

بالخضرة شسوي وهمه فهموني

اجيت انشد عليج وتاهت عيوني

عسى هالسمجه كون انه اغص بيهة

ماسوتلي جارة وتالي رديت

لكيت اهلي وخطاري خابصين البيت

كالو وين انته00000000كلت انه هل الجيت

ام السمج حيرتني بمعانيهة

موضوع: رد: ام السمج الخميس يونيو 21, 2007 2:10 pm

والله كلش حلوه القصيده

عاشت ايدك اخوي ابن الكوفه
منتظرين جديدك المتميز
والى الامام

تقبل مروري
تيمووو

موضوع: رد: ام السمج الجمعة يونيو 22, 2007 1:01 pm

حلوة عاشت الايادي هههههههههههههه
ولو

من سوك السمج مامر بعد مناك
مرة الثانيه التنفجر كيه اهناك هههههههه

موضوع: رد: ام السمج الإثنين يونيو 25, 2007 8:07 am

هههههههههههههههههه
مشكور اخوية ابن الكوفة
الله يعطيك العافية

موضوع: رد: ام السمج الخميس سبتمبر 13, 2007 3:02 pm

هههههههههههههههههه
حلوة ام السمج يمكن راح ابدل لقبي الى ام السمج بدلا من ام اللبن
ههههههههههههههه

موضوع: رد: ام السمج الخميس نوفمبر 29, 2007 6:31 pm

هههههههههههههههه

بس والله كلش حلوة و روعه

موضوع: رد: ام السمج الجمعة نوفمبر 30, 2007 12:11 am

هههههههههههههههههه

ماشاء الله عليك اخوي ابن الكوفه

قصيده جميله جدا

الله يعطيك الف عافية عزيزي

موضوع: رد: ام السمج السبت مارس 08, 2008 11:23 pm

اخويه ابن الكوفه الحجي بيناتنه انته صدك عينك على ام السمج
ههههههههههههه
مشكور على الشعر الحلو

موضوع: رد: ام السمج الأحد مارس 09, 2008 11:12 pm

هههههههههههههه أيباه شنو هاي والله ذكرتني بزفرة السمج صارلي هووووووواي مماكل .
شكراً شعر حلو وليمي وصلت ريحة الزفر .