66 مزار شيعي نسفت في ديالي.... قضية للنقاش والحوار

نسف مزار شيعي في ديالى ليصل العدد الى 66 مزارا نسفت

عن راديو سوا
12/05/2007
أعلن مصدر في الشرطة العراقية اليوم أن مسلحين فجروا ليلة أمس مرقد الإمام الحسن المثنى الواقع في قضاء مندلي في محافظة ديالى شمال شرق بغداد.

وأوضح المصدر الذي لم يرد الكشف عن اسمه أن المسلحين هاجموا المرقد الذي يحظى بتوقير كبير من الأهالي أمس وجردوا حراسه من أسلحتهم وزرعوا المرقد بالعبوات الناسفة وفجروها عن بعد ما أدى إلى تدمير المزار بالكامل.

ووفقاً لديوان الوقف الشيعي في محافظة ديالى فإن عدد المراقد والمساجد والمزارات الشيعية التي دمرت في السنتين الماضيتين في المحافظة وصل مع هذا التفجير إلى ستة وستين حسب إحصاءاتها.

وطالب الديوان من القوات الأمنية العراقية توفير الحماية للمراقد ودور العبادة التابعة له، لوقف الهجمات التي تطالها والتي قال إن جماعات متطرفة تشنها.

اسمعي يا حكومتنا وما اظنك سامعة اسمع ايها البرلمان يا اعضاء البرلمان الموقرون بحصانة دبلوماسية!!!! الذي جعلت من انتخبك يندم على اليوم الاسود الذي ذهب واقترع فيه وضحى بحياته اي والله اقولها بمليء فمي كان والله ذاك اليوم عرسا بحناءه البنفسجي معتقدين بانه نهاية النهاية وبداية البداية والان ادركت انها بصمة مني على ورقة ادركت فيما بعد انها ورقة موتي ودمار البلد والمؤسسات وبدء انتشار الرشوة والمحسوبيات .. مع احترامي لبعض الاشخاص من هنا وهناك الذين يعدون باصابع اليد الواحدة !!!! فهل خلى العراق من الشرفاء؟؟؟؟!!! اين الوعود والوعود واين الحملة الانفجارية التي وعدتنا بها يا دولة رئيس الوزراء !! حتى ضننت ان هناك عبوة ستنفجر

لعل قائل يقول ما لي اراك متشائما هكذا ؟ امهل السادة المحترمون فرصة للعمل وخدمة الشعب؟ (اوكي اني وياك )
خلينة نحجي حجي عرب الكهرباء بروح الابيك المرحوم شلونة هسة توب وحضرتك التبريد يلفح لفح عليك خو المي اصلا انصدره لدول الجوار بالبطالة مال البيبسي اما النفط اخوية وابن عمي رحمة الله من كثر ما الناس عدهة نفط ببيوتهه كامت اتبيعه على لدول الجوار بالسعر العالمي 70 دولار خو الشباب العاطل عن العمل كلهم اتعينوا وكل واحد هسة عنده سيارة وبيت..

عمي ملخص الموضوع ذولة اذا كان صدك نيتهم خدمة الشعب مجان سوو رواتبهم بالملايين زين اوكي عوافي انكول مخاطر بحياته فرضا هاي وتستاهل والف عافية اريد افتهم هسة اذا تقاعدت حضرة جنابك ((علويييييييييييش على كولة السيد رئيس مجلس النواب الموقر)) يستمر الراتب والملايين بعد التقاعد ؟؟(( وعلويييييييش ))لمن اتناقش قضية الراتب مالتك اتخليه ابجلسة مغلقة ؟؟ هسة عرفنة اتضم عل شعب تريد اتضم على الله همينة ؟ هاي اذا تعترف بالله ابتداءا!!!
الكلام كثير لعل هناك من يؤيدني ومن يعارضني ولعل قائل يقول ويقول ويقول ومن حقه ان يقول ونسمع رايه لعلي على خطأ وربما كنت على خطأ حقا احترم ارائكم لنسمع ارائكم في هذا الموضوع ونقاشاتكم ...
(يا جماعة تعالو قنعوني اني على صح لو على خطأ)

ارجمو اعداء محمد وال محمد

بصلاة محمدية علويه حسينه بأعلى بأعلى اصواتكم

ولعنة الله وملائكة على كل من نصب العداء الى ال بيت رسول الله
(اللهم صلي على محمد وال محمد)

والله يا خويه الي قلته كله صحيح

بس احنا شنو بدينا انسويه

اذا كان الكلام من فضه فالسكوت من ذهب
لان بس نحجي نحرك بقلوبنا وما اكو فائده ولا نقش

هي اكو واحد ما مذنب بهاي الحكومه المنتخبه عمياوي من قبل الشعب

انا لله وانا اليه راجعون
شتحجي وشتكول
تقبل مروري ابن الكوفه

تيمووو

والله اعتقد ياخويه ياتيمووو ان الي جاي يصير هو بسب السكوت الي تكول عنه من ذهب اما انتخاب الحكومة كان مو عمياوي بس من قلة الخيل

ولكن لله وانا اليه راجعون اووووووووووووووووووووووووووووووووووووووووووف من الحكومة الي تبط الجبد
مشكورين على نقل الخبر

اخويه ابن الكوفه اني اخالف رايك مع احترامي الك
(انته كلت الي عنده رأي يكوله اني معليه )
ههههههههههههههههه
اخوان احنه ميصير هلكد نلوم الحكومه على شغلات هيه اكبر من طاقته هسه راح تسألني شلون اكلك كالاتي
هيه الدوله شوكت استلمت حكم اشو كلما يستلمهه واحد يطيروا وبعدين شو فهمني شلون تكدر تربي طفل بايام قليله كيف اذا كان هذا الطفل كل تربيته غلط واعتقد افتهمتوا اللي اقصده
اخوان تره الجماعه استلموا العراق مو من الصفر لا استلمو من -100 لان صدام سلملهم العراق عباره عن بعثيين و استخبارات وووووو الخ بس هذا لاوبعد سلمهم شعب قليل الثقافه نتيجه الانعزال عن العالم اللي دام اكثر من 35سنه بعد الرشوه عدنه زلاطه التزوير حدث ولاحرج ال........... والباقي انتوا اعرف مني بيه هذا واقعنه احنه هم لازم نفكر بهيج شغلات
اخوان مشكلت العراق برأي مسأله وقت ليس الا بس احنه مشكلتنه ماعدنه صبر يعني نريد اول ما استلمو حكم المفروض العراق يصير الدوله الاولى بالعالم وطبعا هذا شي مستحيل
وطبعا انته كلت النواب او اعضاء الراسه شدعوه هلكد ياخذون هسه اكلك انته ليش هيج تكول اكو بعض النواب تاخذ ملاين من الدوله وهمه يشتغلون ويه الارهابيين هاي شلونك بيهه
يس صدكني مثل ماكتلك مسألة وقت
وعذرا للأطاله

والله ياخويه يا ابن الكوفه احنا ما اخذنا من هل حكومه غير نسمع وعود
الكهرباء راح تصلح راح يصرلنا عشر سنوات واحنا ما شايفين شي
الماء اتشوف المج الزغار والطحالب تنزل من اللوله وريحته تكتل مايعجبك حتى تغسل بيه القاع ورغم هذا كله زادو وصل الكهرباء والماي

اما عن زيادت الرواتب حدث ولاحرج زادت الرواتب ارتفعت الاسعار وكلشي ماتكدر اسوي وجنك ياابو زيد ما غزيت

صدقني خويه الحلول كلش بسيطه لحل مشاكل هالشعب بس انحط الله بين عيونه وانبطل بوك

ورشوه ونحدد الاسعار للمنتوجات الغذائيه مثل باقي الدول احنا بالعراق

محافظه عن محافظه تختلف الاسعار الغاز وكلشي ماجنا ابلد واحد