مرحبا شريكه حياتي (

روحي يا خوتي عظيم مصابها
ساعه الكشره وما حسبت حسابها
ساعه الكشره على عمتي من اجت
طبت لمطبخنا وكعدت سولفت
فرغ بيتك والبنات تزوجت
وسفه روحك ضاله بعطابها
هني روحك والك اخطبلك مره
هم تفيدك هم غداك تحضره
ولو تريد بنيه دره وجوهره
عندي وحده حليوه حظك جابها
لو تشوفها عيونه ابد ما تنام
كشخه طلعتها مثل بدر يوم التمام
وترفه من تمشي مثل مشي الحمام
بت اوادم واني اعرف انسابها
عمه كولي منين هذي بيا جنس
هذي بيضه لو مثل وجهك تفس
ردت وكالت مثل وجهه الشمس
والشمس تخجل تصل يم بابها
بت ابو محيسن ولك هذي هبه
التشوفه بنظره وحده تكهربه
اطول فارع والمعاني مرتبه
ومن الشعر عوزه يطك حجابها
الشعر عجبه ولك كلش طويل
والشفايف عسل من عده يسيل
العين وسعه والزلف بيه يعيل
وقواس الحواجب والرمش نشابها
بس ابو محيسن ترى حظه كعد
ومرته جربه ومن اشوفنها ارتعد
خاف ويه بتها ولج ما انسعد
وخاف اتورط واكتب كتابهه
ردت وكالت اغبر لا تصير
ملك هذي عوزها جنحان وتطير
الحلك محبس والشعرجنه حرير
والطول نبعه والجمال اثيابها
قنعتني وني عندي جم فلس
لملمتهن عود اريد للعرس
وما حسبت حساب تهلسني هلس
وعلى عويناتي تذب تيزابها
وكت ادور ناس للمشيه والم
وكلت ابوها اليوم لو وافق حلم
وفاتحوه وقبل ما تحجي الزلم
كال اوافق لو عجل خطابها
وحضريت المهر وهدوم اشتريت
ولملمت نسوان للحلقه وخذيت
وخذت للخياط قاط وفصليت
وحضرت للغرفه كل اخشابها
وحضرت للزفه موعد عمتي
الخميس الجاي كالت زفتي
وباركولي الربع واهلي وشتي
وباركت للروح كل احبابها
كوول اجه يوم الخميس وانا سعيد
ولبست وكشخت بالقاط الجديد
وطبت الجوعيه تضرب بالثريد
وانه افكر بالفلوس الذابها
ورحنه زفه ويم اهلها اني نزلت
صعديت المره وبصفها كعدت
شو تفر عالمره ذبانه شفت
كلت طعم العسل هذا الجابها
وبعد لحظه وريحه كبت ما تسر
وما عرفت المصدر انا بيا كتر
حسبت ضيمك يا جورابي ظهر
ورجلي ادري بيها انغسل جورابها
ونزلته وايدي بيدها شبج
والربع كدامي هوسات ودبج
واني من فرحتي حاصرني الضحج
وفرحه هالليله يشيب شابها
ودخلت يا ناس مربوك وخجول
وضال بافكار التعت بي وتجول
وحاير اني وياها شرد احجي وشكول
وضاكت الوسعه علي ارحابها
وجمعت قوتي وصرت كلش تمام
وقررت هالنوب ابادرها بكلام
وكلت احسن فكره نبدي بالسلام
ومن بعد هذي نكشف نكابها
كشفت الوجهه وما شفت بس خشه
وكملها على الجبين اسراب يتمشه
وذبانه كعدت عالخشم تتعشه
وتدري هالمنظريثير اعجابها
لو تجي للشعر اهلس مو طويل
ولو تجي للخشه خشه شرشبيل
الوجه طاوه ما توصفه مستحيل
العين دكمه وما تشوف اهدابها
الوجه طاوه وبيه كصه مصخمه
والصواب على الحواجب ملحمه
الحلقه مجفيه ويفز الشافها
والنغف خويه وصل لجتافها
وريت عينك ما تشوف شفافها
سنون ماكو باقي بس تك بانيابها
شفت خلقته وافتر الفلك بيه
حرت يا ناس اني الرجل لو هيه
خل تفرح العمه الضحكت عليه
وكلت ورطه وما عرفت اسبابها
يا كيدج يا عمتي بحالتي اشسوه
وعمتي من الضحك تلكاها تتلوه
عكب ذاك الملاك اخذلي سعلوه
ريت كاع الله يطمني ترابها
تالي ما تالي طلع ثارج قديم
ورطتني شلون يا كيد الحريم
واني عكب الصار اكول الله كريم
وروحي تعتب وشيفيد اعتابها

لا تعليق من قبلي


التعليق عليكم

تحياتي ابن الكوفه
تيمووو

الشرف ياخويه اوصيك الشرف
لاتفكر ابمال لا حب لا ترف
المنظر الخداع جم واحد شغف
او ضيعوا بالتالي صول اجعابها
تقبلو مروري تيمووو

هههههههههه
شعر روعة مشكور اخوية تيمووو

هههههههههههههههههههههه
حلوة
مشكوووووور وبارك الله بيك ماقصرت