انه ريفي وجتني بنيه من بغداد
حلوه مرتبه ومابيه اي لوله
اجتني بكل وكاحه ادك عليه الباب
دخلت للكلب ماوكفت الثوله
دخلت للكلب وتمسكنت بالروح
نيته عشك ياناس مخبوله
كتله ولج انه ابن فلاح
وحصتي من حياتي اوصيله مشتوله
وانتي بت حسن اتباهه بيش وياج
اتباه بزرع لو هوش وعيوله
شتباه ولج يل لبسج الالماز
وزبلتي الحرير وذهب وحجوله
دشوفي بيا وجه نشابه انه وياج
شوفي بيا وجه نتلاكه ياحوله
شوفي بيا وجه نشابه انه وياج
يلجنج بدر يم ثغر معسوله
يلشعرج خليط بلونه من الليل
مرسوم برسم من طبعة الروله
يلخصرج غصن رمان من ايميل
احس شفت المنيه وعيني مشلوله
يل كلج نظام من الجدم للراس
ومتعوب انه كلش بيه الف سوله
شسولف عن حياتج عمر لو دستور
اذا اكلج ريمكس اعداد سووله
يل اكلج فواكه كله مسكافيه
وانه الخباز حصتي الصبح والتوله
الج هل مي مقطر قطروه تبخير
وانه من بير اشرب ماشفت لوله
يل سبحج حليب مكاسر بحمام
وحمامج بخار مرتب اشلونه
وانه اسنين اركض بالشته وبلصيف
واسبح بالشطوط وماشفت جوله
شسولف عني عنج والفرق موجود
فرق كلش جبير او واضحه احلوله
والحل ينتهي بهل اللحظه هاي وياي
نمسح احنه ماضي وتبتدي الجوله
تعاتبنه لحد ماتيهيت الراي
وصارت هيه اليه بشرط هلهوله
وبعد ويه الهلاهل بالعقد مكتوب
لازم للحلو ياناس غنوله
وصلت للهلاهل والغنه وفزيت
من حلمي وكلت ايه هسه معقوله
من حلمي وكلت ايه هسه معقوله