دارميات روعه تستاهلووووووووووووون

السلام عليكم مثل ما وعدتكم واني عد وعدي جبتلكم دارميات روعه صدك

تعرفني كلش زين ما انكر الطيب

اتعلعل وحك عيناك لو عني تغيب

اتمنة دوم وياك اكضي العمر دوم

وادفنها عدلة الروح لو عافتك يوم

لاكلبي مرة يهيد لا عيني تغفة

لا صبر بية يفيد لا ناري تطفة

حسبالك انة انساك لو طال الفراك

بالعكس كل ما طال انة اكثر اشتاك

كاعد واناطر دوم طيفك يجيني

ولو دورت بالعين تلكه انت عيني

اسحب شما موجود دم بالشرايين

بس تمشي فوك الكاع وتشوفك العين

روحي شكثر تهواك وشكد تهم بيك

سعفة وتهزهه الريح من يمر طاريك

امشي وارد اردود واذكر هواكم

كون برصاصة يموت كلمن نساكم

كون القلب تركيب اتنزعه وتنام

وتغفالك اسبوعين من ظيم الايام

يالحادي بالله عليك اشوي تهده

ماخذ حبيب الروح هالماشي وحده

ابجي واذب حسرات عالفاركوني

مدري التهو بالغير مدري نسوني

الصحبة صحبة موت لا تظن اعوفك

لو تدري انا شلون مشتاق اشوفك

نامت قلوب الناس بس قلبي كاعد

والضغط من فركاك كلساعه صاعد

اتمنه طيره الروح واوصل واحاجيك

واكعد واحط هموم يمك وابجيك

وبس يارب تعجبكم وانتظر ردكم

عاشقة ال الصدر

والله تسلم الايادي ياعاشقت الصدرين على هذا الدارمي الجميل جدا (غالب العبودي من المشخاب)

وعليكم السلام ورحمة الله

مشكوره اختي عاشقه الله يوفقج ان شاء الله.

ماشاء الله ...الله يعطيكي الف عافية اختي على الدراميات الاكثر من رووووووعه

دارميات كلش حلوه تسلمين حبيبة كلبي والف شكر للتواصل الدائم
شكرا جزيلا ودوم الابداع ان شاء الله

تسلمين يامبدعه
جدا روعه
مشكووووره
تقبلي مروري

شنو هل الكلمات الحلو عاشت ايدج
يا مبدعه

ابجي واذب حسرات عالفاركوني

مدري التهو بالغير مدري نس

وني